• حول الخلل الفني للمنتدى أخي زائر نعتذر على تعطّل المنتدى في بعض أوقات من النهار و هذا يعود الى سرفر مستضيف المنتدى و خارج عن نطاق الإدارة. رابط الموضوع

افكار خاطئة عن محركات الثلاث اسطونات

kimotun

مشرف ميكانيك السيارات
طاقم الإدارة
إنضم
2 سبتمبر 2019
المشاركات
141
مستوى التفاعل
297
النقاط
63
جوائز
0
العمر
38
الإقامة
BEN AROUS
غير موجود
يجب أن تكون مسجلا لرؤية الصور المرفقة


بسم الله الرحمان الرحيم
أهلا وسهلا ومرحبا بكل زوار وأعضاء ومُنتسبي منتديات نجوم تونس
⛔محرك ال3 سيلندر هوا نفسو محرك BMW I8 و Mini Cooper ⛔

اكيد برشا توانسا كيف يسمع كرهبة ثلاث سيلندر يخاف و يقلك كرهبة ضعيفة و ما تتحملش و ينجم يكون عندو حق خاطر المحرك هذا اول ما هبط لسوق كان يعتبر سخيف و ضعيف و اصغر من حجم الكرهبة لاكن هذا كلو بقا تاريخ.
توا الزوز كراهب هاذم يخدمو بنفس محرك الثلاث سيلندر و لكن كل سيارة تولد طاقة معينة اكيد BMW أقوى لان المحرك مزود بدوبل تيربو كذلك مزود بمحرك كهربائي يخلها تولد 365 حصان،
في العشرة سنين إلى فاتو نشوفو براشا كراهب ثلاث سيلندر منتشرين و بالأخص في الكراهب الشعبية و الكراهب الصغيرة و ذلك بسبب السياسات الأوروبية إلى تلز الشركات باش تصنع كراهب اكثر ما يمكن صديقة للبيئة و كذلك تستهلك اقل وقود ،
وكيما نشوفوفو الكراهب الجديدة الكل صار وزنها خفيف و مع محرك خفيف كيما هذا اكيد باش تنقص في التكلفة و تشجع الشاري،
قبل كيف تبدا كرهبة ثلاث سيلندر ديما تحسها ثقيلة في الخرجة و الموتور يرعش برشا كيف تبدا الكرهبة واقفة و صوتها خايب .
و من الأسباب الي خلات المحرك هكا انو ديما توزيع الثقل فيه صعيب يعني ديما يبدا سيلندر طالع و زوز مازالو لوطا موش كيما محرك الأربعة سيلندر الي ينجم يوازن نفسو ،
و لكن بعد التطور الكبير في عالم السيارات المحرك هذا تجاوز كل المشاكل هاذي ولا احسن من محرك الأربعة سيلندر و اكبر مثال المحرك هذا خذا جائزة احسن محرك سنة 2017 .
يعني اذا واحد يحب يشري كرهبة فامليال و اقتصادية او كرهبة شخصية يكون هذا الحل الأحسن و كيما زادا إلى يحب يشري كرهبة رياضية و اقتصادية كيما BMW 1 series هيا زاد محرك ثلاث سيلندر .
يعني هذا المحرك لا يختلف في شي عن باقي المحركات بل ممكن يساعدنا كتوانسا مع غلاء سعر الوقود و سعر السيارات،
مع العلم انو محرك الأربعة سيلندر في طريقو للاختفاء كيما محرك 12 و 10 و 8 و 6
اغلب السيارات الان نقصت عدد السيلندر و في الطريق للمحرك الكهربائي و وداعا البيترول ،
يعني نهار إلى يقولو اكتشفنا البيترول في تونس وقتها يكون العالم استغنا عليه.
و اخيرا كان كرهبتك ثلاث سيلندر راك موش وحدك حتى I8 ثلاث سيلندر
و لكن تبقا ديما فما محركات غير مشكورة يعني كلامي موش قاعدة عامة!

يجب أن تكون مسجلا لرؤية الصور المرفقة
 

sbart1979

عضو فعّال
إنضم
29 أكتوبر 2016
المشاركات
752
مستوى التفاعل
288
النقاط
63
جوائز
0
العمر
39
موجود
مشكووووور اخي
 
أعلى أسفل